WE BAXTER LTD

WE BAXTER LTD
Unit 3 The Willows Business Centre, 17 Willow La Mitcham Sussex CR4 4NX
Sussex
UK
+44 (20) 86 66 23 65

der New

the Gulf of California, to an altitude of 15,000 feet in the mountains of the north. That the Southern Pacific Railroad would soon be built through the new country, and that a new St

Toga Simamora Sian Lottung

TOGA SUMBA MANGOLI SIBORU PANDAN NAULI BORU NI RAJA LONTUNG

Reng.. reng.. reng.., bagaureng-bagaureng soara nihasapi. Marende ma siteatua "balige ma i nibaligahon, barita mai binaritahon suhuthononhon mai tu angka naposo, si ingoton nama i asa ihuthononna sian pudi.
Nungnga be balga oppui Toga Sumba, jala nungnga pantas marbagas. Diparo Ompui ma (Tuan Sorba ni Banua) hata tu tondong i Raja Lontung. Sada do boru ni Raja Lontung i, Siboru Pandan Nauli do goarna jala nungnga habajuon na boru nai di tingki i. Denggan do dijalo Raja i hata ni Omputtai, di ari naung tiniti saut ma diunjukhon Ompu i Toga Sumba tu oroanna si Boru Pandan Nauli.

PARTUBU NI TOGA SIMAMORA DOHOT TOGA SIHOMBING
Denggan do parsaripeon ni Ompu I sahat tu na sarimatua nasida, jala tubuan anak do nasida 2 lahi-lahi. Si angkangan I margoar Toga Simamora, si anggian I margoar Toga Sihombing. Tarsurat do goar on di ende Tarombo ni si Raja Lontung ima karangan ni Nahum Situmorang, didok disi : "Lontung sia sada ima pasia boruna sihombing simamora"

HATORANGAN NI PARTALIAN NI TOGA SIMAMORA DOHOT TOGA SIHOMBING TU MARGA LONTUNG

Pandohan on tung mansai porlu do patorangon di tonga-tongatta asa unang gabe timbul akka pendapat-pendapat na simpang siur.

Ianggo boru ni si Raja Lontung I sada do! Digoari disi Sihombing Simamora ianggo sebenarna Simamora do na sihahaan. Tinodohon ni Toga Simamora do Toga Sihombing songon on ma Alana asa denggan do begeon struktur sajak ni Ende i.

Simpang siur pendapat ni torop halak taringot tuson adong do mandok Boru Lontung I (Siboru Pandan Nauli) di oli Toga Sihombing dung mate Toga Sihombing I dibuat (dipareak) Toga Simamora ma boru Lontung I ninna. Dao mai…! Ndang songon I na sasintongna. TogaSumbado mangoli Boru Lontung (si Boru Pandan Nauli), Inang ni Toga Simamora dohot Toga Sihombing do si Boru Pandan Nauli. Bilangan namandok sada (Sihombing Simamora) Toga Sumba do na tinembakna.

Godang berpendapat bilangan dua na mandok Sihombing Simamora, asa cocok ma nian tutu tu 7 halak anak ni si Raja Lontung I (7 + 2 pas mai =9).Antungmolo songoni, ai dohot do amanta I, Raja i, Tubu ni inanta I beha nda nungnga lobi sada….? Tadapoti ma dibagasan rohatta be.

TOGA SIMAMORA MAMBUAT BORU SARIBU RAJA
Hasomalon do di Suku Batak, songon na nidok ni umpasa on :
"Anak Jolong Berkeris, Gadis Jolong Bersubang",
Songon Ompuna, Toga Simamora Nungnga be doli-doli selaku pahompu siahaan ma i di inang Siboru Baso Paet, jala anak siahaan sian inang boru lontung (Boru Pandan Nauli). Sai gumodang do perhatian ni natorasna tuson, ujungna saut ma dipaorohon Ompunta Toga Simamora tu boru Saribu Raja.
Ise do buru Saribu Raja on?, Molo tabereng do tarombo ni suku Batak nomo manang sundut, mamintor di jalo roha do ima hira pahompu ni Raja Bornor. Raja Borbor ima anggi ni Raja Lontung sada ama do nasida alai dua inang.

Dungi dapot ma ari na binuhul saut ma di unjukhon Omputta Toga Simamora tu oroanna Boru Saribu Raja. Denggan ma tutu parsaripeon ni Ompu i songon nidok ni umpama i ma tutu "Ansimun sada holbung tu pege sangharimpang, manimbung rap tu toru mangangkat rap tu ginjang.

Alaiapala aha do ulaning umbahen pola songon on? "Sial Tak dapat di tolak, untung tak dapat di raih". Ai nungnga sappulu taon lobi nasida na marsaripe i,laosso adong di nasida silas ni roha (anak).

Hohom jala serep do roha ni inang boru Saribu Raja dohot Ompu i, Ndang ditahi rohana tu na sirang on. Didok nasida do "Beha bahenon i, nungnga songon on huroa bagian.Laosdidok nasida muse, "di julu ramba bukbak, jala di jae ramba sitonong, molo nungnga nasib manontuhon barat bujur ingkon sitaonon".

Alai dilaon-laon ni ari, sai marpikkir-pikkir do Omputta Toga Simamora on jadi ditahi rohana muse mambuat boru. Lao ma ibana mandapothon inang boru Saribu Raja, didok ma hatana: "Inang nabasa, beha do roham di au.., Pasombu on mu nama ahu songon on? Songon sipu-sipu ni baja di paullus-ullus alogo patua-tua badan, pasuda-suda gogo?". Dung dibege inang boru Saribu Raja hata ni Amanta i, manetek ma iluna jala tangis ma ibana sosomboripi. Jala do tong dohot Amantai,laosdi umma ibana ma sambubu ni inang i. Ditiop inanta Saribu Raja ma tangan ni Amantai, laos diumma didokma : "Molo nungnga sian sada ni roham, ise do lomo ni rohami dok ma asa tatopot.Alaitahe beha do molo dung saut hamu, sirangkonon mu do ahu….?". "Dao mai inang nabasa nungnga pola hu umma sambubumu, tung so jadi siranghononku ho paima so disirang hamatean…" ninna.

TOGA SIMAMORA MAMBUAT BORU PAHOMPU NI RAJA LONTUNG
Di ari na mangihut borhat ma inang si Boru Pandan Nauli ina ni Toga Simamora i ditombur ma angkadanganna laho tu huta ni tondong na marga Lontung i. Dung sahat tu huta i, marpungu ma angka tondong i sasude. Jala dipaboa ma maksud dohot tujuan umbahen naro ibana. Dipaboa ma disi namangido maen nai do sada bahen pareumaenna, ai nungnga adong di ida ibana nahabajuanna. Dung dibege anak ni Raja Lontung na 7 halak i hata ni ibotona i marsurak-surak ma nasida. Adong na mengkel-ekkel, adong nasonggak-songgak, adong na mandok anakna nunnga matua borunta uli jala poso. Beccut ma inang Boru Pandan Nauli naeng tangis.

Alai didok Sinaga ma : 'Uang balga-balga soara muna, unang songgahi hamu ibototta i didok halak hita annon naung tenggen, Idama nungnga naeng manetek ilu ni ibototta i, sotung sanga manetek i, annon ndang tartobus hita i dohot bane-bane. Nungnga diboto hamu amak do rere, anak do bere. Pola ma dohonon matua umur 31 taon? Taingot do di tingki patiur baba ni mual nasida, danak dope angka borutta i sude. Laos didok ma muse : Tole ma ito, godang-godang ma lean sinamot mi tu hami, sadia do diboan ho, pasahat ma di jolo nami on ninna.

Dung sidung makkatai sinaga i, makkatai ma muse si regar didokma : Ndang na muruk hami da angkang tu ibotottai, hami pe huboto hami do ndang tartobus dohot sanggul bane-bane ilu ni itottai. Ai songon nidok ni umpasa i do "Gumpar mangalo tu basir, Sait manghait tu ngadol ido maksudna. Asa umbalga do dibuat nasida jagal i, ai naung so torop so piga do hita ninna. Baru pe asa mengkel-ekkel nasida margak-argak. Inang si Boru Pandan Nauli i pe mulak ma muse bohina marsinar-sinar.

Nunnga dapot tikki ari na binuhul borhat ma nasida Toga Simamora, Natorasna dohot sisolhot mangalap boru i Boru Lontung. Jala dohot do inang Boru Saribu Raja magalap anggina i si Boru Lontung ai nasian lomo ni roha na do i.

HATUTUBU NI TOGA PURBA, TOGA MANALU
DOHOT TOGA DEBATA RAJA

Ai gok ma ditikkina dapot ma di bulanna gabe-gabean ma siboru lontung, ditubuhon ma sada anak lahi-lahi dibahen ompu i ma goarna TOGA PURBA. Ianggo inang boru saribu raja nunnga songon tombak nalimuton ngol-ngolan paima asa tubuan lata simartulan, paima panumpak ni Tuhan.

Denggan ma di jalo inang boru saribu poso-poso i,laosdidokma : "Purba ma ho tutu dihami dohot diangka tinodohonmu, panggora di taroktok hi patulus hatuaon hu". Di umma ma poso-poso i dilehon ma muse tu inang na.

Dung tubu si Toga Purba timbul ma pikkiran di ompu i Toga Simamora naeng manjae ibana pulik sian bagas ni natorasna sian anggina. Jadi dipaido ma arta bagianna. Dung dipasahat natorasna pangidoanna i dipungka ma hutana di lokasi Tipang Bakkara. Borhatma Toga Simamora, boru saribu, boru lontung dohot poso-poso i tuhuta napinukka nai. Dapot ma muse ditingkina martinodohon ma Toga Purba dibahen ma goarna Toga Manalu, manurut parasaan ni Ompu i Toga Simamora ai talu do ibana di rohana diarta na nilehon ni amana.Alainang pe songoni sonang do rohana manjalo padiar pe talu maralohon dongan asalma monang maralo musu.

Di Tipang, dihuta na pinungka nai godang do hamaolon-hamaolon dihadapi ompu i. Jolma sai lam tu toropna tano siulaon pe lam tu sompitna, sipata do masa sosak-manosak di angka parbalohan sipata gabe laho tu parbadaan.Alainang pe songoni tetap do tenang ompu i nalao mandiori parbodarian. Gari ada tahe lam ditambai dalan ni pancarian ima nagabe pande bosi. Mardomu ala diida ibana rumah tanggana natole adong muse sipaimaon, lam bergiat ma rohana mambahen persiapan-persiapan. Ai dapot ma muse tingki na tubuan anak ma muse inang boru lontung dibahen ma goarna: Debata Raja alana didok ompui dang mabiar ibana tu jolma alai holan mabiar tu Debata do.

HATUTUBU NI TUAN SOMERHAM

Ianggo inang boru saribu nungnga lam mahiang, bibirna pe nungnga lam pora-pora mangan pe so lakku. Jot-jot do inang i tangis di porlak hundul sasadasa, alai molo nungnga ro si purba, manalu dohot debata raja tu ibana adong ma i namanaek tu tanggurungna, adong mai nahundul tu ampuanna mula ma muse tiur bohi ni inang boru saribu i. Gabe marsak ma roha ni Ompu i marnida inang boru saribu i. alai dang leleng be tikkina molo di ari manogot-manogot sai moyak ma inang i, jala marsiantusan ma ompu i dohot inang boru lontung. Jala didokma asa unang be dohot inang boru saribu i tu balian, hatop pe nasida mulak sian balian laho mangaloppa jala di oloi inang i do songo ni.

Di ari namangihut muse, di boan Ompu i ma inang biru saribu tu si Baso na adong di huta i. jadi dung diparesi sibaso i didokma " Ndang sahit on las ni roha godang do, sehat-sehat do napinarorot ni bortianmu ninna". Las ma roha ni Ompu na dua i mulak tu jabu. Anngo di roha ni akka na torop nahaloton do inang i. Jumpa ditingkina ditubuhon inang boru saribu ma sada anak lahi-lahi jala dibahen ma goarna Tuan Somerham. Simbur magodang do Tuan Somerham jala molo dipatakkas ari hatutubu ni na opat halak i pas do songon namartinodohon.

Di natubu Tuan Somerham nungnga marumur inang boru saribu lobi hurang 42 taon. Dung marumur tuan somerham hira-hira sandangon podang, Toga Purba dohot manalu nunnga be doli-doli. Jadi ditahi roha ni ompu i ma "Mangkulingkon nasungkot di langit natonjol ditano".

Dung sahat tu hadoli-dolion nasida, ganup ma nasida mangolibe alai anggo tuan somerham nungnga mambuat bakko ni inana si boru saribu raja ai na hol do inang boru siregar i dang na ra tubuan anak.

HABUBUNGKAS NI TUAN SOMERHAM DOHOT INANG BORU SIREGAR TU RAMBE

Di sada tingki berencana ma tuan somerham dohot inang boru siregar naeng bukkas sian huta tipang tu luat sihadaoan alai dang dipaboa nasida tu manang na ise. Alai ianggo ompu i toga simamora diboto doi samar-samar sian hata dohot pangalaho ni tuan somerham jala dang pala di orai ompu i tahi ni roha ni anak nai.

Marhobas ma tuan i dohot inang boru siregar disungguli ma amana dohot inana asa martinggal hata nasida jala tar ilu-ilu ma nasida sude dibagas i. Dung dipasu-pasu ompu i anakna dohot parumaenna laho ma nasida di usung ma ugasanna. Hape dung di hos ni ari tarboto ma tu si toga purba naung lao anggina i. dipaboa ma tu si Manalu jala ibana ma mangalojong anggi nasida i. Dung jumpasa didokma " Naso Pungkur naso timbaho, naso uhum naso pangalaho do nabinahen mi laho ho sian jolo nami laos so marboa-boa, pulut do roham maninggalhon amanta naung martua i tarilu-ilu. Konon katanya di lokasi on madabu ma sanggul ni inanta boru siregar jala dibahen ma goarni luat i DOLOK SANGGUL sahat tu sadarion.

Dung sahat nasida tu Rambe dialon-laon ni ari, gabe tubuan anak do inang boru siregar 3 halak dibahen ma goarna Rambe Toga Purba, Rambe Raja Nalu dohot Rambe Anak Raja manut goarni angka dolina na tinggal di toba i. jala ditingki nglo nasida hea do natolu halak on ro tu toba patandahon rupana.

Disadur ulang dari :
Buku Riwayat nenek moyang Toga Simamora dibeli oleh Almarhum (Op. Endis Manalu) tahun 1992 dr Gr. KS Manalu di terminal Sibolga

Sent from my AXIS Worry Free BlackBerry® smartphone