Parjolo hudok ma mauliate, sial denggan ni basa dohot holong ni Tuhan i di au nang di hamu, sai tong di bagasan hahipason hita.
Apala di sadarion, hubukka ma Blog on, asa anggiat boi nian gabe sada blog na denggan. nang pe holan sada cerita-cerita na mungkin holan hiburan manang inganan pakaluarhon akka na sukkot di roha.
Tung manang dia pe namas tu ari marsogot, tong do tu hamu akka dongan au mangalu-alu. Jadi tung manang na sederhana pe tampilan ni blog on, hupangido do saran dohot masukan sian hamu, asa anggiat tu joloan on tu dengganna.
Alasan hubaen goar ni blog on "Ranggitgit Tano Hatubuan Hu" on do, asa anggiat nian tano Ranggitgit gabe huta na dihasiholi akka jolma ro diluat ni portibi on.
Nungga Godang nian hasea sian huta i, alai dang tarida bo. Ala ni aha lupa tu bona pasogitna dang hu boto sahat tu sadarion alasanna.
Holan sada do na hupangido tu Tuhan i, anggiat ma muba akka pikiran jala tu majuna ma akka parngoluon ni popparan ni tano Ranggitgit.
Mauliate ma di Hamu, selamat mengikuti ma diakka nanaeng surat on hu di blog on.
Tuhan Memberkati
